Startsida > Kommunedelplan > Kommunedelplan for Myrkdalen til offentleg ettersyn

Kommunedelplan for Myrkdalen til offentleg ettersyn

I medhald av Plan- og bygningslova § 20.5 og Forskrift om konsekvensutgreiing §9 vedtok FPL i møte den 04.06.09, sak 49/09 at konsekvensutgreiing og kommunedelplan for Myrkdalen, datert mai 2009, vert lagt ut til offentleg ettersyn.

Hovudføremålet med kommunedelplanen er å fastsetja rammene for framtidig arealbruk i området. Kommunedelplanen omfattar eit stort område, frå Nobbi inn til Kvassdalen og via Årmot, Bygardsli, Mørkve og Skjervheim ned til Myrkdalsvatnet og via Mørkve og Nesheim opp til Ulvund. Det samla området som inngår i kommunedelplanen er samla på omlag 40 km² (40 000 daa).

Planen legg til rette for utbyggingsområde for fleire føremål, slik som alpinanlegg, fritidsbustadar, bustader, hotell, serveringsstadar og ulike næringsføremål. Planforslaget viser om lag 3400 nye fritidsbustadeiningar totalt, fordelt på fleire område. Vidare er det lagt til rette for utviding av alpinanlegget med 5 nye skiheisar og mange løyper.

Tiltakshavar for planen er Voss Fjellandsby AS på oppdrag frå Voss kommune. Planleggjar er Opus Bergen AS.

Kommunedelplanen vert lagt ut til offentleg ettersyn på servicetorget i Tinghuset i tida 8.juni til 14.august 2009.

Spørsmål om planforslaget kan rettast til servicetorget som kan svara eller visa til saksbehandlar for planen. Dokument i plansaka finn ein på lekkjene nedanfor.

Eventuelle merknader til konsekvensutgreiinga og planforslaget må sendast skriftleg innan den 14. august 2009 til Voss kommune, postboks 145, 5701 Voss.

Sitat frå kunngjering på Voss kommune sine nettsider!

Aktuelle lekkjer

• Plankart
• Planføresegner
• Samtlege plandokument på Vossakart
• Vossakart
• Kommunedelplan for Myrkdalen til offentleg ettersyn på www.voss.kommune.no